Thursday, January 12, 2012

பெரியாழ்வார் திருமொழி 1 - 8 - 1

பெரியாழ்வார் திருமொழி - முதற்பத்து

எட்டாம் திருமொழி - பொன்னியல்

(அச்சோப்பருவம் - அணைத்துக்கொள்ள அழைத்தல்) கலித்தாழிசை
 
பாடல் - 1 

குறிப்பு: இப்பாடலை இருமுறை சேவிக்க வேண்டும்! 

  பொன்னியல் கிண்கிணி சுட்டி புறம்கட்டி*
தன்னிய லோசை சலஞ்சல னென்றிட*
மின்னியல் மேகம் விரைந்தெதிர் வந்தாற்போல்*
என்னிடைக்கோட்டரா அச்சோவச்சோ எம்பெருமான்! வாரா அச்சோவச்சோ.

பதவுரை: 

என்னது இது, பெரியாழ்வார் அச்சோ அச்சோ ன்னு சொல்றாரே; குட்டிக் கண்ணனுக்கு என்னாச்சோன்னுட்டு பதறாதீங்க. இறைவனைக் குழந்தையாப் பாவிக்கிற நம்ம பெரியாழ்வார், அக்குழந்தைத் தன்னை அணைத்துக்கொள்ள அழைக்கிறார். அச்சோப்பருவத்தின் முதற்பாடல், இந்தப்பாடலில் பொன்னியல், மின்னியல், தன்னியல் அப்படின்னு வருது. இயல் - ஒரு வகையான அறிவியில் ன்னு பள்ளியோடத்துல படிச்சிருப்போம். கணிதவியல், இயற்பியல், வேதியியல், சமூகவியல், வணிகவியல், பொருளியல், உயிரியல், பயிரியல், ஒளியியல், ஒலியியல்.... இப்படி ஏகப்பட்ட இயல் இருக்கு. அதுக்குப் பக்கம் பக்கமா, வகை வகையா புத்தகம் வேற. ஆனா, இங்க வந்திருக்கிற இயலுக்கு ஒரே வார்த்தையிலதான் அர்த்தம்; ஆனா வேற வேற பொருள், அது வருகின்ற இடத்துக்கேத்த மாதிரி. புரியலயா.. இயல் - இயல்பு(nature), ஒத்தல்(resemble), தகுதி. இதுதான் அர்த்தம் என்று கிடையாது. தான் சேர்கின்ற வார்த்தைக்கேற்ப பொருள் உடையது. பொன்னியல் - பொன்னாலான, பொன்னால் செய்யப்பட்ட தன்னியல் - தன்னுடைய இயல்பான செயல் மின்னியல் - மின்னலை உடைய
பொன்னியல் கிண்கிணி சுட்டி புறம் கட்டி - பொன்னால் செய்யப்பட்ட கிண்கிணி, நெற்றிச்சுட்டி ஆகியவற்றை அணிந்து -- என்னது இது, பெரியாழ்வார் உச்சந்தலைக்கும் உள்ளங்காலுக்கும் முடிச்சு போடறாரே! ;-)
தன்னியல் ஓசை சலஞ்சலன் என்றிட - முதல் அடியில் உள்ளவற்றில் சல சலன்னு ஓசை செய்யக்கூடியது எது? கிண்கிணி. கிண்கிணி தன் இயல்பான சலன் சலன் னு ஓசை செய்திடுதாம்...
மின்னியல் மேகம் விரைந்தெதிர் வந்தாற் போல் - மின்னலைக் கொண்ட மேகம் வேகமாக விரைந்து வந்ததைப் போல 

மின்னியல் மேகம் - மின்னலை உடைய மேகம். மின்னல் எப்படி உண்டாகிறது?? நான் இப்ப ஏதாவது நேர் மின்னூட்டம், எதிர் மின்னூட்டம் ன்னு சொன்னா, பின்னூட்டத்துல என்னைய கன்னா பின்னா னு வைவாங்க... சோ, நாம பாட்டுக்கு பாட்டை பாப்போம். நீரோ, பனித்துளியோ நிறைந்த மேகத்துலதான் மின்னல் உண்டாகும். வறண்ட மேகம் வெண்மையா இருக்கும். நீருண்ட மேகம் கருப்பா இருக்கும். இப்ப எளிமையா புரிஞ்சுடும். மேகம் கருநிறம். மின்னல் பொன்னிறம். கருமேகம் கண்ணனுக்கும், பொன்மின்னல் கண்ணனின் அணிகலனுக்கும் ஒப்புமையாகும்.

என் இடைக்கு ஓட்டரா அச்சோவச்சோ எம்பெருமான்! வாரா அச்சோவச்சோ - பொன்னாபரணம் அணிந்த கார்முகில் வண்ணா, என் குலதெய்வமே! என் இடையில் அமர்ந்து கொள்ள ஓடோடி வருவாயாக! விரைந்தோடி வந்து என்னை அணைத்துக்கொள்வாய் என் ஐயனே! குழந்தைகள் நன்றாக நடக்கத் துவங்குகின்ற நாட்களில், அவர்கள் மெதுவாக நடப்பதில்லை. குடு குடுவென அடுத்தடுத்த அடிகளை விரைவாக எடுத்து வைப்பர். அதனால் தான், விரைந்தெதிர் வந்தாற்போல் ன்னு பெரியாழ்வார் குறிப்பிடுகிறார். 

பொருளுரை:
பொன்னலான கிண்கிணிகள் சலசலக்க, பொன்சுட்டி அணிந்த கார்முகில் வண்ணா, மின்னல் கொண்ட மேகம் விரைந்து எதிரே வந்ததைப் போல, ஓடி வந்து என் இடையில் அமர்ந்துகொள்வாயாக! எம்பெருமானே என்னை வந்து அணைத்துக் கொள்வாயாக!

10 comments:

நாடி நாடி நரசிங்கா! said...

Present sir:)

தமிழ் said...

//Present Sir:)

your presence is precious!

Thank you

Kavinaya said...

//கண்ணபிண்ணா னு// இல்லை, 'கன்னா பின்னா'ன்னு :)

குட்டிக் கண்ணன் தத்தக்கா பித்தக்கான்னு ஓடி வருவது போலவே இருக்கு :) நன்றி.

KParthasarathi said...

கண்ணெதிரிலே குட்டி கண்ணன் ஓடி வருகிற காட்சியை நிறுத்தி விட்டீர்கள். உங்கள் விளக்கவுரை கண்டு சொக்கி போய்விட்டேன்

திண்டுக்கல் தனபாலன் said...

வணக்கம்...

வலைச்சரம் மூலம் உங்கள் தளத்திற்கு வருகை… Followers ஆகி விட்டேன்… தொடர்கிறேன்... இந்த வார வலைச்சர ஆசிரியருக்கு நன்றி...

உங்களின் தளம் வலைச்சரத்தில் அறிமுகப்படுத்தி உள்ளது... வாழ்த்துக்கள்...

மேலும் விவரங்களுக்கு இங்கே (http://blogintamil.blogspot.in/2013/06/blog-post_26.html) சென்று பார்க்கவும்...

தொடர்ந்து எழுத வாழ்த்துக்கள்... நன்றி...

Ranjani Narayanan said...

வலைச்சர அறிமுகத்திற்கு வாழ்த்துகள்.
தொடர்ந்து படிக்கிறேன்.

Kannabiran, Ravi Shankar (KRS) said...

//மின்னியல் மேகம் விரைந்தெதிர் வந்தாற்போல்//

கண்ணன் எனும் கருமேகம் விரைந்து வந்தாலும், பாசுரப் பதிவு மட்டும் விரைந்து வரவில்லை போலும்; அப்படியே தேங்கி நிக்குது:)

//என்னிடைக்கோட்டரா அச்சோவச்சோ
எம்பெருமான்! வாராய் அச்சோவச்சோ//

உன் பதிவு கோட்டரா அச்சோ அச்சோ
முகிலரசி வாராய் அச்சோ அச்சோ
:)

Kannabiran, Ravi Shankar (KRS) said...

ஓட்டரா = ஓட்டமாய் வா -ன்னு பொருளா?
அப்போ ரா ரா -ன்னு தெலுங்கில் பாடுறாரோ பெரியாழ்வார்?

என் ஐயம் போக்குங்கள், தமிழ்:)

MSATHIA said...

செம கேள்வி கேயாரஸ். இவ்விடம் voter-ஆ வராம ஓட்டரா வந்துட்டீங்க போல.
என்னிடைக்கோட்டரா. என்னிடைக்கு ஓட்டரா. ஓட்டரா =ஓடிவந்து.ஓட்டம்+தாரா அப்படின்னு சில இடத்துல விளக்கம் படிச்சேன். எனக்கென்னமோ இது விடாம ஓடிவந்து அப்படித்தான் பயன்பாட்டுல தெரியுது.
ஓட்டரா வந்தென் கைபற்றி கோதை அழைக்கிறாளே..

Kannabiran, Ravi Shankar (KRS) said...

ஓட்ட ரா வுக்கு நன்றி சத்யா:)

ஓட்டம் தாராக் கண்ணன்!
வாட்டமும் தாரான்:)